பாஜகவை ரவுண்டு கட்ட திட்டம்.. உயிர்பெறும் I.N.D.I., கூட்டணி, கையிலெடுக்கும் அஸ்திரம் என்ன?

234 0

நாடாளுமன்ற மழைக்கால கூட்டத்தொடரை முன்னிட்டு, எதிர்க்கட்சிகளின் .N.D.I., கூட்டணி ஆலோசனைக் கூட்டம் வரும் 19ம் தேதி தொடங்க உள்ளது.

நாடாளுமன்றத்தில் விவாதிக்கப்பட வேண்டிய விவகாரங்கள் குறித்து, I.N.D.I., கூட்டணியின் ஆலோசனைக் கூட்டத்தில்  முடிவு செய்யப்பட உள்ளது.

எதிர்க்கட்சிகளின் ஆலோசனைக் கூட்டம்:

நாடாளுமன்ற மழைக்கால கூட்டத்தொடர் தொடங்குவதற்கான நேரம் நெருங்கியுள்ளது. இதை முன்னிட்டு காங்கிரஸ் தலைமையிலான எதிர்க்கட்சிகள் அடங்கிய, I.N.D.I., கூட்டணியின் ஆலோசனைக் கூட்டம் வரும் 19ம் தேதி நடத்த திட்டமிடப்பட்டுள்ளது. தேசிய பிரச்னைகளை ஒருங்கிணைந்து முன்னெடுப்பது தொடர்பாக முடிவு செய்வதற்காக ஆலோசனைக் கூட்டத்திற்கு ஏற்பாடு செய்யப்பட்டுள்ளது. இதுதொடர்பாக காங்கிரஸ் பொதுச்செயலாளர் கே.சி. வேணுகோபால் வெளியிட்டுள்ள டிவிட்டர் பதிவில், “தற்போதைய அரசியல் சூழல் தொடர்பாக கூட்டணி கட்சி தலைவர்கள் சனிக்கிழமை பிற்பகல் நடைபெறும் ஆன்லைன் சந்திப்பில் விவாதிக்க உள்ளனர்” என குறிப்பிட்டுள்ளனர்.

டெல்லியில் கூடும் தலைவர்கள்:

ஆன்லைன் சந்திப்பு நடைபெறும் அதேநாளில், I.N.D.I., கூட்டணியின் நேரடி சந்திப்பு டெல்லியில் காங்கிரஸ் தலைவர் மல்லிகர்ஜுனா கார்கே இல்லத்தில் நடைபெறும் என ராஷ்ட்ரிய ஜனதா தளம் கட்சி தலைவர் தேஜஸ்வி யாதவ் அறிவித்துள்ளார். உத்தவ் தாக்ரே தலைமையிலான சிவசேனாவும் இந்த ஆலோசனைக் கூட்டத்தில் பங்கேற்க உள்ளதாக அறிவித்துள்ளது. இரண்டு தசாப்தங்களுக்குப் பிறகு உத்தவ் மற்றும் ராஜ் தாக்ரே இணைந்து இருப்பதும், பாஜகவிற்கு எதிராக குரல் கொடுப்பதும் மகாராஷ்டிரா அரசியலில் பெரும் திருப்புமுனையாக பார்க்கப்படுகிறது.

எப்படி களமிறங்கலாம்?

எதிர்வரும் மழைக்கால கூட்டத்தில் எதிர்க்கட்சிகள் கூட்டணி எப்படி ஒருங்கிணைந்து செயல்பட வேண்டும் என்பது குறித்து இந்த கூட்டத்தில் முடிவெடுக்கப்பட உள்ளது. ஜுலை 21ம் தேதி தொடங்கி ஆகஸ்ட் 21ம் தேதி வரை இந்த கூட்டத்தொடர் நடைபெற உள்ளது. அதிலும் ரக்‌ஷா பந்தன் மற்றும் சுதந்திர தினத்திற்கான ஆகஸ்ட் 12 முதல் 18ம் தேதி வரை கூட்டத்தொடர் நடைபெறாது என்பது குறிப்பிடத்தக்கது.  கூட்டத்தொடரின் போது பல முக்கிய விவகாரங்கள் தொடர்பாக பாஜக மற்றும் எதிர்க்கட்சிகளின் கூட்டணி இடையே அனல் பறக்கும் விவாதத்தை ஏற்படும் என எதிர்பார்க்கப்படுகிறது.

குறிப்பாக பீகாரில் சட்டமன்ற தேர்தல் நடைபெற உள்ள சூழலில், தேர்தல் ஆணையம் நடத்தும் சிறப்பு வாக்காளர் பட்டியல் திருத்தம், ஆப்ரேஷன் சிந்தூர் மற்றும் இந்தியா – பாகிஸ்தான் இடையேயான மோதலை தானே தடுத்ததாக அமெரிக்க அதிபர் ட்ரம்ப் மீண்டும் மீண்டும் குறிப்பிடுவது குறித்து காராசார விவாதங்கள் ஏற்படும் என கணிக்கப்பட்டுள்ளது.

எதிர்க்கட்சிகளின் இலக்கு என்ன?

முன்னதாக, காங்கிரஸ் கட்சி தலைவர்கள் அண்மையில் சோனியா காந்தி இல்லத்தில் கூடினர். காங்கிரஸ் நாடாளுமன்றக் கட்சித் தலைவர் என்ற முறையில் அவரது தலைமையில் நடைபெற்ற கூட்டத்தில், கட்சித் தலைவர் மல்லிகார்ஜுன் கார்கே, மக்களவை எதிர்க்கட்சித் தலைவர் ராகுல் காந்தி, மாநிலங்களவை துணைத் தலைவர் பிரமோத் திவாரி மற்றும் ஜெய்ராம் ரமேஷ், கே. சுரேஷ், மாணிக்கம் தாகூர் உள்ளிட்டோர் கலந்து கொண்டனர்.

அப்போது, பஹல்காம் தீவிரவாத தாக்குதல், பீகாரில் வாக்காளர் பட்டியல் திருத்தங்கள், ஜம்மு-காஷ்மீருக்கு முழு மாநில அந்தஸ்து கோரிக்கை, பெண்களுக்கு எதிரான குற்றங்கள் அதிகரிப்பு, விவசாயிகளின் குறைகள், வேலைவாய்ப்பின்மை, தேசிய பாதுகாப்பு மற்றும் அகமதாபாத் விமான விபத்து உள்ளிட்ட பல முக்கியமான பிரச்சினைகளை நாடாளுமன்றத்தில் எழுப்ப காங்கிரஸ் முடிவு செய்துள்ளதாக கூறப்படுகிறது. இதைதொடர்ந்து, அரசாங்கத்தால் கூட்டப்படும் அனைத்துக் கட்சிக் கூட்டமும் ஞாயிற்றுக்கிழமை நடைபெற வாய்ப்புள்ளது.

Related Post

வந்தவர்கள் வளமாக… வளர்த்தவர்கள் ஓரமாக! – கோவை திமுகவில் கோஷ்டி சேர்க்கிறாரா செந்தில் பாலாஜி?

Posted by - ஆகஸ்ட் 20, 2025 0
2021 தேர்தலில் தென் மாவட்டங்களில் திமுக கூட்டணி சுழற்றியதைப் போல கொங்கு மண்டலத்தின் பெருவாரியான தொகுதிகளை அதிமுக கூட்டணி வளைத்தது. அதிலும் கோவை மாவட்டத்தில் 10 தொகுதிகளையும்…

அண்ணாமலை – எல்.முருகன் சாலை மறியல்.. நீலகிரியில் பரபரப்பு

Posted by - மார்ச் 25, 2024 0
நீலகிரியில் வேட்பு மனுத் தாக்கல் செய்வதற்காக பெரும் எண்ணிக்கையிலான பாஜகவினருடன் தமிழ்நாடு பாஜக தலைவர் அண்ணாமலை, வேட்பாளர் எல்.முருகன் உள்ளிட்டோர் வருகை தந்தனர். நீலகிரி மக்களவைத் தொகுதியில்…
Generated Image February 09 2026 3 52PM

தூத்துக்குடி மாணவி கொலை; திமுக எம்எல்ஏ சமாதானம் பேசியது ஏன்.?

Posted by - மார்ச் 12, 2026 0
தொடரும் பாலியல் வன்கொடுமை சம்பவங்கள் தமிழகத்தில் கடந்த சில நாட்களில் அடுத்தடுத்து நடைபெற்று வரும் பாலியல் சம்பவங்கள் மக்களை அதிர்ச்சி அடையசெய்துள்ளது. கடந்த 2 தினங்களுக்கு முன்பாக…

ஓபிஎஸ்.! திமுகவா.? தவெகவா.? ட்விஸ்ட் கொடுத்த நிர்வாகிகள்

Posted by - டிசம்பர் 24, 2025 0
அதிமுக- பாஜக கூட்டணியில் ஓபிஎஸ் இணைவார் என எதிர்பார்கப்பட்ட நிலையில், எடப்பாடி பழனிசாமி இருக்கும் வரை அ.தி.மு.க.வில் இணையமாட்டோம் என ஓபிஎஸ் தெரிவித்திருப்பது புதிய திருப்பத்தை ஏற்படுத்தியுள்ளது.…

“நான் இப்படி செய்வனோ..?” – ஜி.கே.மணி உருக்கம்

Posted by - மே 17, 2025 0
45 ஆண்டுகாலமாக இருக்கிறேன். ஒரு சின்ன உயிருக்கு கூட தீங்கு விளைவிக்க நினைக்க மாட்டேன். ஜி.கே.மணி இப்படி செய்வாரா என நீங்களும் உங்கள் மனசாட்சி தொட்டு கேட்டுக்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன