விரக்தியில் விஜய்! கூவி கூவி அழைத்தும் கூட்டணிக்கு வராத கட்சிகள்.. மக்களே இனி துணை!

336 0

நடிகர் விஜய் தன்னுடைய தவெக தலைமையிலான கூட்டணிக்கு வெளிப்படையாக அழைப்பு விடுத்தும் யாரும் வராததால் தனித்தே களமிறங்குவார் என்று கருதப்படுகிறது.

தமிழக அரசியல் களம் நாளுக்கு நாள் சூடுபிடித்துக் கொண்டிருக்கிறது. தேர்தலுக்கு இன்னும் 10 மாதமே உள்ளதால் ஒவ்வொரு கட்சியினரும் அதற்கான பணிகளில் தீவிரமாக களப்பணியாற்றி வருகின்றனர். ஆளுங்கட்சியான திமுக மீண்டும் ஆட்சியைத் தக்கவைக்கவும், எதிர்க்கட்சியான அதிமுக ஆட்சியை கைப்பற்றவும் தீவிரமாக வேலை செய்து வருகின்றனர்.

கூட்டணிக்கு கூவி கூவி அழைத்த விஜய் 

ஆனால், தமிழ்நாட்டில் பெரும்பாலான மக்களின் எதிர்பார்ப்பு நடிகர் விஜய் மீதே அமைந்துள்ளது. வரும் சட்டமன்ற தேர்தலில் தமிழக வெற்றிக் கழகம் என்ன தாக்கத்தை ஏற்படுத்தப்போகிறது? திரையில் ஜொலித்த விஜய் அரசியலிலும் ஜொலிப்பாரா? என்றும் கேள்வி எழுந்துள்ளது.

தமிழ்நாட்டில் இனி வரும் காலங்களில் கூட்டணி கட்சிகள் தயவில்லாமல் தேர்தலைச் சந்திப்பது மிகவும் சவாலானது என்பதை உணர்ந்த விஜய், விக்கிரவாண்டியில் நடந்த முதல் அரசியல் மாநாட்டிலே ஆட்சியிலும் பங்கு, அதிகாரத்திலும் பங்கு என்று கூட்டணிக்கு அழைப்பு விடுத்தார். அதிலும் விடுதலைச் சிறுத்தைகள் கட்சித் தலைவர் திருமாவளவனை வெளிப்படையாகவே கூட்டணிக்கு அழைப்பு விடுத்தார்.

மக்கள் மட்டும்தான் துணை:

தவெக-வுடன் கூட்டணி வைக்க விசிக, காங்கிரஸ் என பல கட்சிகளுடன் தொடர்ந்து பேச்சுவார்த்தை நடத்தப்பட்டு வருகிறது. ஆனாலும், இதுவரை எந்த கட்சியும் கூட்டணிக்கு வர தயார் இல்லை என்றே தெரிகிறது. திமுக கூட்டணியில் இருந்த விசிக, காங்கிரஸ் கட்சிகளும் வரத் தயார் இல்லை என்றே தெரியவந்துள்ளது. விஜய் அரசியல் களத்திற்கு வந்தால் அவருக்கு பக்கபலமாக இருப்பார் என்று கணிக்கப்பட்ட சீமான், விஜய்யை மிக கடுமையாக விமர்சித்து வருகிறார்.

இந்த நிலையில், தவெக-வின் செயலி அறிமுக விழாவில் நேற்று பேசிய தவெக தலைவர் விஜய் மக்களிடம் செல், மக்களுடன் வாழ், மக்களுடன் சேர்ந்து திட்டமிடு என்ற அண்ணாவின் கோட்பாட்டை மேற்கோள் காட்டி பேசினார். மேலும், மக்களுடன் மக்களாக இருக்கப்போகிறோம், நாம் இருக்கிறோம், நம்முடன் மக்கள் இருக்கிறார்கள், இதற்கு மேல் என்ன வேண்டும், நல்லதே நடக்கும் என்று பேசியுள்ளார். வெளிப்படையாகவும், மறைமுகமாகவும் கூட்டணிக்கு அழைப்பு விடுத்தும் எந்த கட்சியினரும் வராத காரணத்தால் விஜய் சற்று விரக்தியில் இருப்பதாகவும் தகவல் வெளியாகியள்ளது.

துணைக்கு வரப்போவது யார்?

விஜய்யின் இந்த பேச்சு கூட்டணிக்கு எந்த கட்சியும் வர தயாராக இல்லை என்பதால், மக்களை நம்பியே இந்த தேர்தலில் களமிறங்க வேண்டி உள்ளது என்பதையே காட்டுகிறது. ஏனென்றால், கூட்டணியில் இருந்து பாஜக-வை அதிமுக கழட்டிவிடும் என்று எதிர்பார்க்கப்பட்ட நிலையில், பிரதமர் மோடி – எடப்பாடி பழனிசாமி சந்திப்புக்கு பிறகு அதற்கு வாய்ப்புகள் மிக குறைவு என்றே தெரிகிறது.

இதனால், திமுக மற்றும் அதிமுக என்ற மாபெரும் பலமிகுந்த கட்சிகளை எதிர்த்து தனியாக களமிறங்குவதை 1967 மற்றும் 77 தேர்தல்களுடன் ஒப்பிட்டு விஜய் பேசியதாகவும் கருதப்படுகிறது. கூட்டணிக்கு பெரிய கட்சிகள் வருவார்கள் என்று எதிர்பார்க்கப்பட்ட விஜய்க்கு தற்போது வரை ஏமாற்றமே மிஞ்சியுள்ளது. அடுத்த 10 மாதத்திற்குள் விஜய்யின் அரசியல் களத்தில் துணையாக ஏதேனும் கட்சிகள் வருமா? என்பதை பொறுத்திருந்தே பார்க்க வேண்டும்.

Related Post

ராமதாஸ் மிரட்டல்? பாமக-வில் வெடிக்கும் உட்கட்சி மோதல்!

Posted by - ஜூலை 25, 2025 0
Anbumani Walking Rally: “அன்புமணி நடைபயணத்திற்கு எதிராக ராமதாஸ் மிரட்டுவதாக அன்புமணி ஆதவாளர்கள் புகார்” பாமகவில் ராமதாஸ் மற்றும் அவரது மகன் அன்புமணி ஆகிய இருவருக்கும் மோதல்…
Generated Image January 12 2026 5 19PM

விண்டேஜ் கார் ஓட்டுவதையும், சிலம்பம் சுற்றுவதையும் ரீல்ஸ் பதிவிட்டு விளையாடுவதா.!

Posted by - ஜனவரி 12, 2026 0
தமிழகத்தில் சட்டம் ஒழுங்கு மோசமாக இருப்பதாக தெரிவித்துள்ள எடப்பாடி பழனிசாமி, 3 மாத காலத்திற்குள் முடிவு எட்டப்படும் என தெரிவித்துள்ளார். அரசு மருத்துவமனையில் கொலை சென்னை கீழ்பாக்கம் மருத்துவமனையில் அதிகாலையில் ரவுடி ஒருவர் வெட்டி கொலை செய்யப்பட்ட சம்பவம் பெரும் பரபரப்பை ஏற்படுத்திய நிலையில், இந்த சம்பவத்திற்கு கண்டனம் தெரிவித்து அதிமுக பொதுச்செயலாளர் எடப்பாடி பழனிசாமி அறிக்கை வெளியிட்டுள்ளார். அதில், தமிழகத்தின் தலைநகர்…
Generated Image November 24 2025 10 34AM

TVK VIJAY: ஒவ்வொருவருக்கும் நிரந்தர வீடு, பைக்.. வீட்டுக்கு ஒரு கார்.! விஜய்யின் அதிரடி

Posted by - நவம்பர் 24, 2025 0
ஒவ்வொருவருக்கும் நிரந்த வீடு, பைக், வீட்டுக்கு ஒரு கார் நிச்சயம் என காஞ்சிபுரத்தில் நடைபெற்ற கூட்டத்தில் தவெக தலைவர் விஜய் தெரிவித்துள்ளார் மீண்டும் மக்களை சந்தித்த விஜய்…
Generated Image January 05 2026 11 52AM

இன்று பள்ளிகள் திறப்பு.. போராட்ட களத்தில் இடைநிலை ஆசியர்கள்

Posted by - ஜனவரி 5, 2026 0
அரையாண்டு தேர்வு விடுமுறை முடிந்து இன்று பள்ளிகள் திறக்கப்படும் நிலையில், இடைநிலை ஆசிரியர்கள் மாவட்ட தலைநகரங்களில் போராட்டத்தில் ஈடுபட உள்ளனர். TN Govt Teachers Protest: சம வேலைக்கு…
Generated Image November 17 2025 11 32AM

பிரசாந்த் கிஷோரிடம் இருந்து பாடம் கற்பாரா விஜய்?

Posted by - நவம்பர் 17, 2025 0
குஜராத் முதல்வராக இருந்த மோடியை நாட்டின் பிரதமராக உயர்த்த வியூகம் வகுத்தவர், பிஹாரில் நிதிஷ்குமார், மேற்கு வங்கத்தில் மம்தா பானர்ஜி, ஆந்திராவில் ஜெகன்மோகன் ரெட்டி, தமிழகத்தில் மு.க.ஸ்டாலின்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன