தீபாவளிக்கு 1 நாள் மட்டுமே! தமிழ்நாட்டின் கடைத் தெருக்களில் குவிந்த மக்கள்

நாகையில் பெரிய கடைத்தெரு, நீலா கீழ வீதி, தெற்கு வீதி, பழைய பேருந்து நிலையம், புதிய பேருந்து நிலையம் உள்ளிட்ட பகுதிகளில் மக்கள் கூட்டம் மிகுந்து காணப்பட்டது. போக்குவரத்து நெரிசலைத் தவிர்க்க முக்கிய வீதிகள் தற்காலிகமாக ஒருவழிப் பாதையாக மாற்றப்பட்டது.

ஈரோடு ஆர்கேவி சாலை, காவிரி சாலை, பெருந்துறை சாலை, பன்னீர்செல்வம் பூங்கா, மேட்டூர் சாலை ஆகிய பகுதிளில் உள்ள ஜவுளி கடைகள் பொதுமக்கள் வருகையால் களைகட்டின. பட்டாசு கடைகளில் விதவிதமான பட்டாசுகளை வாங்கினர். அதேபோல் பலகாரங்கள் வாங்க பேக்கரிகளிலும் கூட்டம் நிரம்பி காணப்பட்டது.தென்காசி மாவட்டத்தில் மழை காரணமாக கடந்த இரண்டு நாளுக்கு பிறகு தீபாவளி விற்பனை சூடுபிடித்தது. ஞாயிறு விடுமுறை மற்றும் நாளை தீபாவளியை ஒட்டி, இன்றும் கடைவீதிகள் பரபரப்பாக இருக்கும் என்று எதிர்பார்க்கப்படுகிறது.