எங்க கிட்டயா ஆட்டம் காட்டுற.? ஆபரேஷன் சிந்தூரால் சிதறும் பாகிஸ்தானின் பொருளாதாரம்…

333 0

இந்தியாவின் அதிரடி ஆபரேஷன் சிந்தூரால், பாகிஸ்தான் பங்குச்சந்தைகள் கடும் வீழ்ச்சியை சந்தித்துள்ளன. அதன் முழு விவரங்களை பார்க்கலாம்.

பஹல்காமில் தீவிரவாத தாக்குதல் நடந்த நிலையில், அதற்கு பதிலடியாக, பாகிஸ்தானில் உள்ள தீவிரவாத நிலைகள் மீது இந்தியா துல்லியமான தாக்குதல்களை நடத்திவருகிறது. ஏற்கனவே பாகிஸ்தானில் பொருளாதார பிரச்னை தலைவிரித்தாடும் நிலையில், இந்தியா தொடங்கிய தாக்குதலால், அந்நாட்டின் பங்குச் சந்தைகள் கடும் வீழ்ச்சியை சந்தித்துள்ளன.

இந்தியாவின் ‘ஆபரேஷன் சிந்தூர்‘

பஹல்காமில் பாகிஸ்தான் ஆதரவு தீவிரவாதிகள் நடத்திய துப்பாக்கிச் சூட்டில், 26 அப்பாவி சுற்றுலாப் பயணிகள் கொல்லப்பட்டனர். ஆண்களை மட்டுமே குறிவைத்து நடத்தப்பட்ட இந்த தாக்குதலால், ஏராளமான பெண்கள் தங்கள் குங்குமத்தை இழந்தனர். அதனால், அதைக் குறிக்கும் வகையில், சிந்தூர்(குங்குமம்/திலகம்) என்ற பெயரில், ஆபரேஷன் சிந்தூர் என்ற தாக்குதலை, பாகிஸ்தானில் உள்ள தீவிரவாத நிலைகள் மீது இந்தியா நடத்தி வருகிறது.

இதை பாகிஸ்தான் மீதான தாக்குதல் என்று கூறியுள்ள அந்நாட்டு அரசு, தக்க பதிலடி கொடுக்கப்படும் என தெரிவித்துள்ளது. இதனால், இரு நாடுகளுக்கும் இடையேயான பதற்றம் மேலும் அதிகரித்துள்ளது. இந்தியாவின் பல்வேறு மாநிலங்களில் போர் பதற்ற ஒத்திகை நடைபெற்று வருகிறது.

ஒரே நாளில் 5%-க்கு மேல் சரிந்த பாகிஸ்தான் பங்குச்சந்தைகள்

இன்று அதிகாலையில், பாகிஸ்தானில் உள்ள தீவிரவாத நிலைகள் மீது இந்தியா தாக்குதலை தொடங்கியது. இதையடுத்து, பாகிஸ்தான் பங்குச்சந்தைகள் கடும் வீழ்ச்சியை சந்தித்துள்ளன.

கராச்சி பங்குச் சந்தை(KSE-100) அதன் தொடக்க வர்த்தகத்தில் 5.5% அதாவது 6,272 புள்ளிகள் சரிந்து, 1,07,296.64 புள்ளிகளாகக் குறைந்தது. நேற்றைய தினத்தில், சந்தை 1,13,568.51 புள்ளிகளில் நிறைவடைந்திருந்தது. இந்த பெரிய சரிவு, பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் (PoK) உள்ள ஒன்பது பயங்கரவாத தளங்களை இந்தியா குறிவைத்து தாக்குதல் நடத்தியதற்கு முதலீட்டாளர்கள் மத்தியில் ஏற்பட்ட உடனடி எதிர்வினையாகும்.

இதற்கு நேர்மாறாக, இந்திய பங்குச்சந்தை குறியீடுகள் இன்று சிறப்பான ஏற்றத்துடன் தொடங்கின. காலை ஆரம்ப வர்த்தகத்தில் சென்செக்ஸ், நிஃப்டி குறியீடுகள் லாபத்தில் வர்த்தகமானது. சென்செக்ஸ் அதன் நேற்றைய நஷ்டத்தை சரிசெய்து, இன்று லாபத்திற்கு வந்தது. இதற்கிடையே, காலை 11 மணி நிலவரப்படி, சென்செக்ஸ் சிறிய அளவில் 83 புள்ளிகள் சரிந்து, 80,579 புள்ளிகளாகவும், நிஃப்டி 17 புள்ளிகள் சரிந்து 24,361 புள்ளிகளாகவும் வர்த்தகமாகின.

முன்னதாக, காஷ்மீரின் பஹல்காமில் நடந்த தீவிரவாத தாக்குதலின்போதும் பாகிஸ்தான் பங்குச்சந்தை 3.7% சரிவைச் சந்தித்தது. அந்த நேரத்திலும், இந்திய பங்குச் சந்தையின் முக்கிய குறியீடான சென்செக்ஸ் சுமார் 1.5% உயர்வை கண்டது.

பாகிஸ்தானில் பொருளாதார ஸ்திரத்தன்மையில் ஏற்பட்டுள்ள அச்சம்

இதன் மூலம், பாகிஸ்தானில் முதலீட்டாளர்களிடையே பயம் ஏற்பட்டிருப்பதை காண முடிகிறது. அதேபோல், அந்நாட்டில் நிலவும் பதற்றத்தையும் இது காட்டுகிறது. ஏற்கனவே பாகிஸ்தானில் பொருளாதார பிரச்னை தலைவிரித்தாடும் நிலையில், தற்போது இந்தியாவின் இந்த தாக்குதல், பொருளாதார ஸ்திரத்தன்மை குறித்து மேலும் அச்சத்தை ஏற்படுத்தியுள்ளதும் தெரிகிறது. பங்குச் சந்தையின் இந்த எதிரொலி வரும் நாட்களில் எப்படி இருக்கும் என்பதை பொறுத்திருந்தே பார்க்க வேண்டும்.

Related Post

உனக்கு ஒண்ணுன்னா வலிக்குதா.? பேச்சுவார்த்தைக்காக கதறும் பாகிஸ்தான்; கெத்து காட்டும் இந்தியா

Posted by - மே 27, 2025 0
எதுவுமே தனக்கு வந்தால்தான் தெரியும் என்ற சொல்வார்கள். அதுபோல, பாகிஸ்தானில் தற்போது தண்ணீர் பஞ்சம் ஏற்படும் நிலை வந்த உடன் தான், அமைதிப் பேச்சுவார்த்தை வேண்டும் என்று…

காதலிக்கு அடித்த ஜாக்பாட்: ரூ.900 கோடி சொத்தை உயில் எழுதி வைத்த முன்னாள் இத்தாலி பிரதமர்

Posted by - ஜூலை 10, 2023 0
ஐரோப்பிய நாடான இத்தாலியின் முன்னாள் பிரதமர் சில்வியோ பெர்லுஸ்கோனி. இவர் கடந்த மாதம் காலமானார். இறந்தபின் அவரது உயில் வாசிக்கப்பட்டபோது, அவர் தனது சொத்துக்களில் ரூ. 905,86,54,868…

சிம் பிரச்னைக்கு முற்றுப்புள்ளி.. வருகிறது E-Sim.. ஆண்ட்ராய்டு போன் வைத்து உள்ளவர்கள் தெரிந்து கொள்ள வேண்டியவை

Posted by - ஜனவரி 19, 2023 0
Android 13 | இவை சாத்தியமானால், நிறுவனம் தனது செயல்பாட்டில் துரிதமாக எந்த தடை மற்றும் தாமதமின்றி செயல்பட வேண்டும். இதற்கு ஆப்பிள் நிறுவனமே மிகப்பெரிய உதாரணம்!…

பொழுதுபோக்கிற்காக தினமும் ரூ.70 லட்சம் வரை செலவு செய்யும் துபாய் கோடீஸ்வரி பெண்

Posted by - ஜூன் 2, 2023 0
துபாய்: இங்கிலாந்து நாட்டின் சசெக்ஸ் நகரில் பிறந்தவர் சௌதி. இவர் தனது 6 வயதில் துபாய் நாட்டுக்கு சென்றார். பின்னர் அவர் அங்குள்ள பல்கலைக்கழகத்தில் பயின்றார். அப்போது…

”திரும்ப திரும்ப அடிச்ச இந்தியா” கதிகலங்கி அமெரிக்காவிடம் சரணடைந்த பாக்., துணை பிரதமர் ஒப்புதல்

Posted by - ஜூன் 20, 2025 0
இந்தியாவிடம் தாக்குதலை நிறுத்த கோரிக்கை விடுத்தது ஏன்? என்பது குறித்து பாகிஸ்தான் துணை பிரதமர் பேசிய வீடியோ இணையத்தில் வைரலாகியுள்ளது. ஆப்ரேஷன் சிந்தூரின் போது பாகிஸ்தானின் விமானப்படை…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன